قبل ما ترحل

موضوع: قبل ما ترحل الثلاثاء مارس 01, 2011 2:21 am

قبل ما_______

قبل ماترحل تسافر

سيب وراك عنوان بريدك

وقبل ماتفارق ديارك

خلي زكراك للبريدك

كيف تسافر قبل يعلم

وليهو مامديتا ايدك

كان بيحلم إنو يعلم

يوم تسافر تحكي ليهو

عن مشاعرك وعن عينيهو

لما كانت تحكي ليك

ولما كانت تشكي ليك

وإنت ما عارف عذابا

والنواح الهي فيهو

كيف حتتحمل غيابك

وحزنها لي مين تحكي بيهو

اوعا ماتطول غيابك

ببغي مشتاق لي عيونك وابغي

محتاج لي إيابك

ويلا ارحل
وسيبني اتحمل عذابك

ابكي وحدي في الليالي

مابواسي الشوق شجوني

قدر ما افتح كتابك

إلا لمن انت ترجع

وتاني ارجع ادقو بابك